Bank Holidays November 2026: బ్యాంకుకు వెళ్లే ముందు ఈ తేదీలు గుర్తుపెట్టుకోండి.. నవంబర్‌లో భారీగా సెలవులు!
బ్యాంకులో ఏదైనా ముఖ్యమైన పని ఉందా? డబ్బులు డిపాజిట్ చేయాలన్నా, విత్‌డ్రా చేయాలన్నా, చెక్ క్లియర్ చేయించుకోవాలన్నా ముందుగా బ్యాంక్ సెలవుల గురించి తెలుసుకోవడం మంచిది. ఎందుకంటే 2026 నవంబర్ నెలలో దీపావళి, లక్ష్మీపూజ, ఛత్ పూజ, గురునానక్ జయంతి, కార్తీక పౌర్ణమి వంటి పండుగల కారణంగా దేశంలోని పలు రాష్ట్రాల్లో బ్యాంకులు మూతపడనున్నాయి.
అసైన్డ్ భూములు ఉన్న రైతులకు ఏపీ ప్రభుత్వం శుభవార్త
అయితే అన్ని రాష్ట్రాల్లో ఒకే తేదీన సెలవులు ఉండవు. రిజర్వ్ బ్యాంక్ ఆఫ్ ఇండియా (RBI) నిబంధనల ప్రకారం ప్రాంతీయ పండుగలు, స్థానిక ఆచారాలను బట్టి బ్యాంకుల సెలవులు మారుతూ ఉంటాయి. దీంతో బ్యాంకుకు వెళ్లే ముందు మీ రాష్ట్రంలో ఏ రోజున సెలవు ఉందో తెలుసుకోవడం అవసరం. మరి నవంబర్ నెలలో ఏయే తేదీల్లో బ్యాంకులు పనిచేయవో ఇప్పుడు తెలుసుకుందాం.
నవంబర్ 2026 బ్యాంక్ సెలవుల పూర్తి జాబితా
రిజర్వ్ బ్యాంక్ ఆఫ్ ఇండియా సెలవుల క్యాలెండర్ ప్రకారం నవంబర్ నెలలో వివిధ రాష్ట్రాల్లో పండుగల సందర్భంగా బ్యాంకులకు సెలవులు ప్రకటించారు. ఆ తేదీలు, ఏయే రాష్ట్రాల్లో బ్యాంకులు మూతపడనున్నాయో వివరాలు ఇలా ఉన్నాయి.
నవంబర్ 8, 2026 (ఆదివారం): దీపావళి పండుగతో పాటు ఆదివారం కావడంతో దేశవ్యాప్తంగా బ్యాంకులకు సాధారణ సెలవు ఉంటుంది.
నవంబర్ 9, 2026 (సోమవారం): లక్ష్మీపూజ, దీపావళి, గోవర్ధన్ పూజ, విశ్వకర్మ దినోత్సవం సందర్భంగా త్రిపుర, మధ్యప్రదేశ్, చండీగఢ్, సిక్కిం, మణిపూర్, రాజస్థాన్, ఉత్తరప్రదేశ్ ప్రాంతాల్లో బ్యాంకులు పనిచేయవు.
నవంబర్ 10, 2026 (మంగళవారం): గోవర్ధన్ పూజ, లక్ష్మీపూజ, విక్రమ్ సంవత్ నూతన సంవత్సరం సందర్భంగా గుజరాత్, ఉత్తరాఖండ్, మహారాష్ట్ర, కర్ణాటక, సిక్కిం రాష్ట్రాల్లో బ్యాంకులకు సెలవు.
నవంబర్ 11, 2026 (బుధవారం): నింగోల్ చకౌబా, భ్రాత్రిద్వితీయ, భాయ్ దూజ్, చిత్రగుప్త జయంతి సందర్భంగా సిక్కిం, మణిపూర్, ఉత్తరప్రదేశ్, పశ్చిమ బెంగాల్, హిమాచల్ ప్రదేశ్‌లలో బ్యాంకులు మూతపడనున్నాయి.
నవంబర్ 13, 2026 (శుక్రవారం): వాంగాలా పండుగ సందర్భంగా మేఘాలయలో బ్యాంకులకు సెలవు.
నవంబర్ 14, 2026 (శనివారం): రెండో శనివారం కావడంతో దేశవ్యాప్తంగా బ్యాంకులు మూసివేస్తారు.
నవంబర్ 16, 2026 (సోమవారం): ఛత్ పూజ, సూర్య షష్టి దాలా ఛత్ (ప్రథమ అర్ఘ్య) సందర్భంగా బీహార్, జార్ఖండ్ రాష్ట్రాల్లో బ్యాంకులు పనిచేయవు.
నవంబర్ 20, 2026 (శుక్రవారం): ఐగాస్-బాగ్వాల్ పండుగ సందర్భంగా ఉత్తరాఖండ్‌లో బ్యాంకులకు సెలవు.
నవంబర్ 23, 2026 (సోమవారం): సెంగ్ కుట్ స్నెమ్ వేడుకల సందర్భంగా మేఘాలయలో బ్యాంకులు మూతపడనున్నాయి.
నవంబర్ 24, 2026 (మంగళవారం): గురునానక్ జయంతి, కార్తీక పౌర్ణమి, రహస్ పూర్ణిమ సందర్భంగా మిజోరాం, మహారాష్ట్ర, మధ్యప్రదేశ్, ఒడిశా, రాజస్థాన్, జమ్మూకాశ్మీర్, నాగాలాండ్, పశ్చిమ బెంగాల్, ఉత్తరప్రదేశ్, చండీగఢ్, ఉత్తరాఖండ్, తెలంగాణ, అరుణాచల్ ప్రదేశ్, న్యూఢిల్లీ, ఛత్తీస్‌గఢ్, జార్ఖండ్, హిమాచల్ ప్రదేశ్ తదితర ప్రాంతాల్లో బ్యాంకులు మూతపడనున్నాయి.
నవంబర్ 27, 2026 (శుక్రవారం): కనకదాస జయంతి సందర్భంగా కర్ణాటకలో బ్యాంకులకు సెలవు.
నవంబర్ 28, 2026 (శనివారం): నాలుగో శనివారం కావడంతో దేశవ్యాప్తంగా బ్యాంకులు పనిచేయవు.
ఆదివారాల్లో కూడా బ్యాంకులు బంద్
పైన పేర్కొన్న పండుగల సెలవులతో పాటు నవంబర్ నెలలో వచ్చే అన్ని ఆదివారాలు బ్యాంకులకు సాధారణ సెలవులు ఉంటాయి. అవి నవంబర్ 1, 8, 15, 22, 29 తేదీలు. వీటితో పాటు నవంబర్ 14 రెండో శనివారం, నవంబర్ 28 నాలుగో శనివారం కావడంతో బ్యాంకులు మూతపడతాయి.
ఆంధ్రప్రదేశ్‌లో బ్యాంకులు ఎప్పుడు బంద్?
ఆంధ్రప్రదేశ్‌లో బ్యాంకులకు నవంబర్ 8, 14, 15, 22, 28, 29 తేదీల్లో సాధారణ సెలవులు ఉంటాయి. ఇందులో నవంబర్ 8 దీపావళి ఆదివారం కావడం, 14 రెండో శనివారం, 28 నాలుగో శనివారం కావడం గమనించాలి. నవంబర్ 24న తెలంగాణలో గురునానక్ జయంతి, కార్తీక పౌర్ణమి సందర్భంగా బ్యాంకులకు సెలవు ఉన్నప్పటికీ ఆంధ్రప్రదేశ్‌లో మాత్రం ఆ తేదీన సాధారణ బ్యాంకు సెలవు లేదు.
బ్యాంకు ఖాతాదారులు ఈ విషయాలు గుర్తుంచుకోండి
బ్యాంకు సెలవులు ఉన్నప్పటికీ ఖాతాదారులు ఆందోళన చెందాల్సిన అవసరం లేదు. మొబైల్ బ్యాంకింగ్, ఇంటర్నెట్ బ్యాంకింగ్, UPI, ATM సేవలు సాధారణంగా అందుబాటులో ఉంటాయి. అయితే చెక్కుల క్లియరెన్స్, డీడీలు, నగదు లావాదేవీలు, KYC వంటి బ్రాంచ్‌కు వెళ్లి చేయాల్సిన పనులు సెలవుల కారణంగా ఆలస్యం కావచ్చు.
కాబట్టి బ్యాంకులో ముఖ్యమైన పనులు ఉన్నవారు సెలవులకు ముందే పూర్తి చేసుకోవడం మంచిది. అలాగే మీ ప్రాంతంలోని బ్యాంకు శాఖను సంప్రదించి సెలవుల వివరాలను ఒకసారి నిర్ధారించుకోండి.
